धनगढी : एस.पी.ए कलेज, धनगढीले आतिथ्य र होटल व्यवस्थापनसम्बन्धी अध्ययनरत विद्यार्थीहरूका लागि विशेष गेस्ट सेसन कार्यक्रम आयोजना गर्ने भएको छ। उक्त कार्यक्रममा सहभागि हुन विश्वप्रसिद्ध पाककलाका माहिर सेफ सन्तोष शाह मंगलवार साँझ धनगढी आउन लागेका हुन् ।
सन्तोष शाह अन्तर्राष्ट्रिय स्तरमा नेपालको नाम उजागर गरेका चर्चित सेफ हुन्। शाह मास्टरशेफ यूके: द प्रोफेशनल्स २०२० मा पहिलो रनर–अप र मास्टरशेफ यूके: द प्रोफेशनल्स रिम्याच स्पेसल २०२१ मा विजेता बन्न सफल भएका थिए।
कार्यक्रम आगामी २०८२ भदौ ११ गते बिहान ८ बजे पछि एस.पी.ए कलेजको अडिटोरियम हलमा हुनेछ । कार्यक्रममा शाहले आफ्नो जीवन–यात्रा, व्यावसायिक अनुभव र पाककला सम्बन्धी विशेष टिप्स प्रस्तुत गर्नेछन्।
आयोजकका अनुसार यस कार्यक्रममा सहभागी भएर विद्यार्थीहरूले अन्तर्राष्ट्रिय स्तरको अनुभव लिनुका साथै आतिथ्य र पाककला क्षेत्रमा आफूलाई अघि बढाउने थप प्रेरणा पाउनेछन्।
नेपाललाई अन्तर्राष्ट्रिय स्तरमा गौरवान्वित बनाएका शाहसँग प्रत्यक्ष सिक्ने यो अवसर धनगढीका होटल म्यानेजमेन्ट विद्यार्थी तथा पाककला रुचाउने सबैका लागि दुर्लभ अवसर हुने अपेक्षा लिइएको छ।
